مخرج بالجزيرة مباشر مصر: إيه البشاعة اللي عملها الإخوان تخليك شايل كل الغل والحقد ده عليهم؟
الأربعاء 03 يوليو 2013
مخرج بالجزيرة مباشر مصر: إيه البشاعة اللي عملها الإخوان تخليك شايل كل الغل والحقد ده عليهم؟
كتب : أميرة سراج
قال عماد الدين السيد مخرج بالجزيرة مباشر مصر عبر حسابه على الفيس بوك..
"إيه اللي يخليك تسحل وتقتل الإخوان بالبشاعة دي، أو تفرح وإنت شايفهم بتقتلوا بدم بارد، أو تعمل نفسك مش شايف ... في حين إنك كنت بنستنكر أي محاولة للاعتداء على مفسدي دولة مبارك بعد ثورة يناير .."
"إيه البشاعة اللي عملها الإخوان تخليك شايل كل الغل والحقد ده عليهمفشلوا في إدارة البلد ... اتهمتهم إنهم قتلوا الحسيني أبو ضيف؟ ... ولو كان ده صحيح فده ميجيش نقطة في فساد حسني مبارك وزبانيته اللي كنت بترفض أي اعتداء عليهم بالشكل الهمجي ده .."
"الإخوان كانوا بيموتوا إمبارح برصاص الداخلية وبلطجيتهم عن الجامعة، وكانوا بيموتوا بأسلحة ثقيلة عند المقطم ... وإنت شمتان فيهم .."
"كنت عند المقطم، وواحد من ثورجية يناير اللي كانوا محاصرين المقر شك إني ممكن أكون إخوان وكان هيحصل فيا نفس اللي حصل في الرجل المسكين اللي اتسحل ده ... بس ربنا ستر الحمد لله .."
"خلاص ... القتل على الهوية بقى أمر متاح ... القتل على الدين ... الغل من أجل الإيمان بالشريعة ... بتطبيق الشريعة ... ودوا ما عنتم قد بدت البغضاء من أفواههم وما تخفي صدورهم أكبر "
"أنا شفت غل في عنيهم عند المقطم مشفتهوش قبل كدة في حياتي كلها ... شفت شهوة القتل والكره الأعمى .."
"القرآن بين تصنيفات الناس بوضوح: مؤمن وكافر ومنافق ... وقال إن كل معركة في التاريخ هتكون بينهم بس ... إحنا بس اللي بنحاول نغير المسميات ونميعها .."
أنا طبعاً مش من حقي تكفير حد ... إنما بادعوكم لقراءة وصف المنافقين في أول سورة البقرة ... من أول آية: "ومن الناس من يقول آمنا بالله وباليوم الآخر وما هم بمؤمنين " ..
"الثورة القصيرة اللي عشناها دي غيرت فيا حاجات كتير ... يمكن أهمها إني بعد كدة أسمي الأشياء بمسمياتها ... وأدور على المنافقين وأحفظ وشوشهم ولا أعطيهم الأمان أبداً ..
"المنافقين اللي انقلبوا على كل عهد عاهدناه، وفرحوا وهللوا علانية وشماتة وهم يشاهدون بشراً يُقتلون بدم بارد وبأعداد غفيرة، ودون ذنب غير السلمية."
ليست هناك تعليقات:
إرسال تعليق